Félagarnir á Halldóri NS voru að taka upp grásleppunetin úr Breiðafirðinum á fimmtudag.  Þeir eru hættir á grásleppunni og ætla að koma sér austur en þeir eru frá Bakkafirði.  Þeir voru með allskonar grams kola, þorsk , skötusel og eitthvað af grásleppu.

Gísli Jón  og félagar hans á Öldunni komu inn til Grundarfjarðar á fimmtudag og lönduðu þar 12 tonnum af rækju.  Þeir báru sig vel góð tíð og góð veiði.  Ekki veit ég hvað þeir heita strákarnir þarna á myndinni en ef mér skjátlast ekki þá er þessi skeggjaði enn einn bróðirinn frá Ármúla bróðir þeirra Gísla Jóns og Adda á Ísborginni.

Frosti kom í land á Grundarfirði s.l. miðvikudagskvöld og landaði á fimmtudag.  Þeir lönduðu um 50 tonnum sem keyrt var norður á Grenivík. 

Á hádegi í dag kemur Frosti hins vegar í land á Grenivík þar sem þeir landa og verður skipið svo til sýnis þar í dag.  En eins og menn vita þa voru Grenvíkingarnir að kaupa þetta skip frá Vestmannaeyjum þar sem hann hét Smáey. 

Lilja SH að koma í land á Rifi: mynd Sigurður ólafsson

Kári í Rifshöfn á sjómannadaginn í fyrra.

Sæmundur er í Njarðvík þar sem hann verður skveraður.  Hann er nú búinn að liggja nokkuð lengi verkefnalaus en nú stendur til að reyna að selja hann þess vegna verður hann tekinn aðeins í gegn.

Það var verið að prufukeyra Petru ST áðan  hér í Hafnarfirði.  Petra er nýr Sómi 797 smíðaður fyrir Ástvald Einarsson útgerðarmann á Hólmavík. Framleiðandinn líka að mynda bátinn þarna áðan, ég var aðeins of seinn svo hann var betur staðsettur :), það er búið að græja á hann rúllur svo það mætti segja manni að hann sé á leið á srandveiðar.

Krabbi á útleið frá Hafnarfirði í síðustu viku.

Ögn á leið í róður hér í Hafnarfirði fyrir helgi.

Sigurður Ólafsson á Rifi sendi mér myndir fyrir nokkru. Flestar myndirnar eru teknar í höfninni á Rifi.  Flottar myndir sem ég mun birta á næstunni þakka ég Sigurði kærlega fyrir sendinguna.

Þessar myndir tók Denni úr Jóni Kjartanssyni af þar sem hann er að fá úr nótinni hjá Hólmaborginni.